Fîlmê Laurel ê bibî vinî hame vînayiş

Di fîlmanê “Laurel-Hardy” de kaykerdoxê îngilîz Stan Laurel karakterê merdimê barî kaykerdêne. Enka hame vatişî ke fîlmêke yê ke bîbî vinî Hollanda de hame vînayiş.
Gorey xeberey Yusuf Ozkan ke di BBC Tirkî de nişt, Stan Laurel di serey 1924’inan de fîlmêke bi namey “Detained” ant û ew fîlm bîbî vinî. Enka ew fîlm di Arşîvê Fîlman ê Fries ke eyaletê Friesland de wo hame vînayişî. 
Di fîlm de efektê taybetî estê. Di fîlm de Stan Laurel rolê merdimê ke qeybî îdamî benê serê kursiyê îdamî kay keno. Wextê îdamî de milê yê zêde beno derg û bi eno hawey fistanikê ke komîke ya ewca ra remiyayişî vecêna vernî temaşekerdoxan,
Wexto xebatkarê arşîvê ewcay fîlmî derbasî qadey dîjîtalî kerdêne rastê nê fîlmî hamew. Ew hawnaw ke fîlm de Laurel esto la OIiver Hardy çiniyo, çimkî heme fîlman de yê wirdînan têdir kay kerdêne; bi ene joy fam kerdo ke fîlmê yê taybet o.
Di seranê Şerê Dinya yê 2’yinan de fîlm biyo vinî. Enka sehney vinibiyayî jî tede heme fîlmê Stan Laurel restore kerdê û Youtube de neşr kerdê.
Hame vatişî ke fîlmê komedyenî ke bibî vinî di rojanê vernî ma de go Sînemayê Slieker ê Leeuwarden de bêro romojnayişî.

Çavkanî: Diyarname

Bir Cevap Yazın

E-posta hesabınız yayımlanmayacak. Gerekli alanlar * ile işaretlenmişlerdir